“Neftçi”nin məşqçilər korpusuna yeni təyinatlar olub. 

Apasport.az saytının məlumatına görə, bunu klubun mətbuat xidməti açıqlayıb.

45 yaşlı Alin-Nikolaye Çita köməkçi məşqçi, 44 yaşlı Aurelian-Boqdan Petraşku analitik məşqçi, 28 yaşlı Miodraq Todorov fiziki hazırlıq üzrə məşqçi, 47 yaşlı Mihai-Qavril Nedeban isə qapıçılar üzrə məşqçi vəzifəsini yerinə yetirəcək. Mütəxəssislərin hər biri ilə 2 illik müqaviləyə imza atılıb.

Baş məşqçi Adrian Mutu və köməkçiləri artıq Sankt-Peterburqda təlim-məşq toplanışında olan komandanın düşərgəsindədir. “Ağ-qaralar” bu gün Bakı vaxtı ilə saat 18:00-da başlayacaq məşqə rumıniyalıların rəhbərliyi altında çıxacaq.

Qeyd edək ki, hər dörd mütəxəssis bundan əvvəl də baş məşqçi Mutu ilə birlikdə çalışıb. 
 

• İsveçrə 3 xalı 3 qolla qazandı - YENİLƏNİB
• Şeydayev Reynaldoya şərik çıxdı
• Messi və Ronaldonun VARİSİ
• Altı oyunluq SUPEREKSPRESS
• “Apasport”dan 5 uduş: “Ödənişli”dən DUBL