"Neftçi"də ikinci Samir Abasov dönəmi başlayıb.

Mütəxəssis artıq komandada bir sıra islahatlar keçirib. Bunlardan biri də qalmaqallı kapitanlıq mövzusudur.

Apasport.az saytına daxil olan məlumata görə, kapitanlıq sarğısı Ramil Şeydayevdən alınacaq.

Lakin yeni kapitan Emin Mahmudov olmayacaq. Klub rəhbərliyi ilə məsləhətləşən Abasov komandadaxili münaqişəni sonlandırmaq üçün bu futbolçuların heç birinə üstünlük verməməyi qərara alıb.

Əvəzində isə bazubəndin Yuri Matias və ya Robert Bauerə veriləcəyi bildirilir. Liderlik keyfiyyətlərinə malik müdafiəçilərdən biri komandanın yeni kapitanı olmağa ən real namizəddir.

Qeyd edək ki, Samir Abasovun "Neftçi"dəki ilk dönəmində kapitan Emin Mahmudov idi.

• Sabahımızı təhlükəyə atan zənglər
• İsveçrə KUPONU
• SuperKUPON
• Maksim Medvedev karyerasını bitirir
• Vanderson: “Məqsədimizə çatacağıq”