Misli Premyer Liqasının XV turunun “Səbail”lə oyunu “Neftçi”nin futbolçusu Emin Mahmudov üçün əlamətdar olub.

Apasport.az saytı xəbər verir ki, 3:1 hesablı qələbəyə sevinən "ağ-qaralar"ın kapitanı bu görüşdə 3 qol vurmaqla ikiqat yubiley yaşayıb.

Karyerasında ilk dəfə het-trik edən 30 yaşlı yarımmüdafiəçi “Neftçi”nin heyətində Premyer Liqada 30-cu qolunu vurub. O, 132-ci matçında buna nail olub.

Bununla, Mahmudov “Neftçi”də ümumilikdə 40-ci qoluna imza atıb. O, ölkə kubokunda 2, avrokuboklarda 8 dəfə fərqlənib. Mahmudov 165-cı görüşündə 40-cı dəfə rəqib qapısına yol tapıb.

Qeyd edək ki, yarımmüdafiəçi ilk qolunu 2017-ci il noyabrın 19-da “Qəbələ” ilə evdəki çempionat oyununda (2:3) vurub.

• “Porto” və “Sportinq”in oyununa KUPON
• Premyer Liqamızda mövsümün futbolçusu bəlli oldu
• Norveç kuponu
• Riberi karyerasını bitirdi
• I dövrəyə yekun vuruldu: Şamaxıda 6 qol