Konfrans Liqasının II təsnifat mərhələsində “Neftçi” ilə “Aris” arasında keçirilən cavab oyunundan sonra insident baş verib.

Apasport.az saytının məlumatına görə, iki klubun futbolçuları arasında qalmaqal yaşanıb.

Hakimin final fitindən dərhal sonra kiprli futbolçular "Neftçi"nin tərcüməçisi Vüqar Əliyevə hücum çəkməyə cəhd edib. Lakin dərhal bütün komanda üzvləri və məşqçi heyəti meydana daxil olaraq aranı sakitləşdirməyi bacarıb.

Görünür, “Aris” futbolçuları 0:3 hesablı məğlubiyyəti həzm edə bilməyib.

Qeyd edək ki, ilk görüşdəki 0:2 hesablı məğlubiyyətə baxmayaraq, cavab matçında rəqib qapısından 3 cavabsız top keçirən “Neftçi” növbəti mərhələyə adlayıb.
 

• Afrikanın ən yaxşısı kim olacaq?
• Avropa Oyunları gündəliyi: İDMANÇILARIMIZIN KRAKOV SINAĞI
• “Qəbələ” – “Neftçi”: EKSPERT gözü ilə
• Avropa Liqasında 42 illik həsrət bitdi
• AFFA-da fövqəladə iclas: Canni de Byazi ilə bağlı qərar veriləcək