Misli Premyer Liqasının XI turunun "Araz-Naxçıvan" - "Qarabağ" oyununun baş tutacağı məkan dəyişdirilib. 

Apasport.az xəbər verir ki, bunu PFL-in mətbuat xidməti açıqlayıb.

“Araz-Naxçıvan” klubu Peşəkar Futbol Liqasına rəsmi müraciətində görüşün Tofiq Bəhramov adına Respublika Stadionunda keçirilməsini xahiş edib. Naxçıvanlılar bunu qadınlar arasında Millətlər Liqası çərçivəsində oktyabrın 31-də baş tutacaq Azərbaycan – Monteneqro matçının “Dalğa Arena”da keçirilməsi, yaranmış qrafik sıxlığı və ot örtüyünün qorunması ilə əsaslandırıb.

“Araz-Naxçıvan”ın rəsmi müraciətini, “Qarabağ”ın razılığını əsas götürən Peşəkar Futbol Liqası qarşılaşmanın Tofiq Bəhramov adına Respublika Stadionunda keçirilməsinə qərar verib. Matç təqvimdə olduğu kimi "Araz-Naxçıvan"  - "Qarabağ" oyunu kimi keçiriləcək.

Qeyd edək ki, oktyabrın 30-da keçiriləcək matç saat 19:00-da başlayacaq.
 

• “Apasport”dan 4 uduş, “Ödənişli” kuponlarda daha bir dubl
• “Kəpəz”in sabiq futbolçusu vəfat etdi
• "Hakim penaltini verməyə də bilərdi" - Açıqlama
• "Neftçi"nin gələcəyi hesab edilən Lorenzo “Sampdoriya”da - Müsahibə
• Bundesliqa klubundan 20 milyonluq transfer