“Qarabağ”ın Çempionlar Liqasının II təsnifat mərhələsindəki rəqibi “Sürix” bir futbolçusunu satır.

Apasport.az saytının İsveçrə mətbuatına istinadən məlumatına görə, hücumçu Vilfred Qnonto tezliklə komandanı tərk edə bilər.

İtaliya millisinin futbolçusu “Hoffenhaym” və “Feyenoord”dan təklif alıb. “Sürix” rəhbərliyi isə 19 yaşlı forvardın transfer qiymətini 15 milyon avrodan 10 milyona endirib. Bu, İtaliya klublarının da diqqətini çəkə bilər. İsveçrəlilər onun transferindən qazanc götürərək, maliyyə durumunu yaxşılaşdırmaq niyyətindədir.

Qeyd edək ki, Vilfred Qnonto “Qarabağ”a Bakıda 2:3 hesabı ilə məğlub olduqları görüşün 90-cı dəqiqəsində əvəzlənib. Bu komandalar arasında Sürixdəki cavab qarşılaşması iyulun 27-də keçiriləcək.
 

• "Tottenhem"dən böyükhesablı qələbə, Mançesterdə qalib müəyyənləşmədi
• Adrian Mutu: "Beşiktaş"a hədiyyə etmiş olduq”
• Mundial KUPONU
• Adrian Mutu: "Qələbəyə layiq idik"
• Murad Musayev qovuldu