"Toplanışın 12 günü ərzində çox yaxşı işlər görən texniki heyətə və futbolçulara təşəkkür edirəm".

Apasport.az xəbər verir ki, bunu Qurban Qurbanov klub saytında açıqlamasında deyib.

Təcrübəli mütəxəssis Avstriyadakı təlim-məşq toplanışının son günündə “Slaven” (1:0) və “Şəbəb Əl-Əhli”yə (5:2) qarşı yoxlama oyunları münasibət bildirib. Qurbanov hazırlıq prosesini dəyərləndirib: "Hazırlıq prosesinin sonluğu da yaxşı alındı. Bugünkü matçlar da əvvəlki iki qarşılaşma kimi dinamik, baxımlı keçdi. Hesab bizi aldatmalı deyil. İki çox yaxşı komandaya qarşı oynayırdıq. “Şəbəb Əl-Əhli”nin baş məşqçisi Paulo Souzanı öncədən də tanıyırdıq. Təcrübəli mütəxəssis Avropa Liqasında rəqibimiz olan “Fiorentina”nı çalışdırırdı. Bütün futbolçular 90 dəqiqə oynadı və sonadək tempi aşağı salmadılar. Yekunda yaxşı qələbə, yaxşı oyun və ümumilikdə inamlı hazırlıq oldu. Toplanışdan razı qaldım, komandamız çox yaxşı hazırlıq keçdi".

Qeyd edək ki, "Qarabağ" Avstriyada keçirdiyi 4 yoxlama oyununun 3-də qələbə qazanıb, 1-də uduzub.

• "Sabah" Abdulla Xaybullayevlə "nigah təzələdi"
• ÇSKA-da yeni futbolçu
• Azərbaycan boks millisinin Avropa çempionatı üçün heyəti açıqlanıb
• NHL KUPONU
• Qadın futbolçularımız B Liqasına yüksəlib