Polşada III Avropa Oyunlarına dəstək məqsədi ilə şahmat yarışları keçirilib.

Apasport.az saytının məlumatına görə, Avropa Şahmat İttifaqının təşəbbüsü ilə Krakovda cütlüklərin blits üzrə Avropa çempionatı təşkil olunub.

Şəhriyar Məmmədyarovla Günay Məmmədzadədən ibarət Azərbaycan millisi qrup mərhələsində Niderlanda məğlub olub, ardınca İsrail komandası ilə heç-heçə edib, Polşa, Rumıniya, Ukrayna və İspaniyaya qalib gəlib. Son turda komandamız Ermənistanla heç-heçə oynayıb.

Qrupda ilk dördlükdə qərarlaşan şahmat duetimiz pley-offa yüksəlib. Dairəvi sistemlə keçirilən yarışın yekununda Günay Məmmədzadə gümüş, Şəhriyar Məmmədyarov isə bürünc medal qazanıb.

Yekun sıralamada komandamız turnir cədvəlində üçüncü yeri tutaraq daha bir mükafata – bürünc medala layiq görülüb.

• AFFA U-15 Liqasının qalibləri mükafatlandırılıb
• Branimir Subaşiç: "Bojoviçi "Neftçi"yə mən gətirməmişəm" - Müsahibə
• "Milan" "Atalanta"nın qələbə seriyasına son qoydu
• Azərbaycan Qran-prisi: "Formula 1"də üçüncü sərbəst yürüş başa çatıb - YENİLƏNİB
• Misli Premyer Liqasında 2023-cü ilin ilk oyun cədvəli