Azərbaycan boksçusu Sərxan Əliyev Polşada keçirilən III Avropa Oyunlarında mübarizəyə qoşulub. 

Apaspoort.az saytının məlumatına görə, 71 kq çəkidə qüvvəsini sınayan yığma üzvü 1/16 final çərçivəsində Mixal Takacslə (Slovakiya) üz-üzə gəlib. 

Döyüş Əliyevin qələbəsi ilə başa çatıb. Hər 3 raundu aktivinə yazan dünya çempionatının mükafatçısı yekunda 5:0 (30:27, 29:28, 30:27, 29:28, 29:28) hesabı ilə qələbə qazanıb.

O, 1/8 finalda gürcüstanlı Əsgər Madiyevlə döyüşəcək. Görüş iyunun 27-də olacaq. 

Qeyd edək ki, bu gün daha 1 boksçumuz yarışa qoşulacaq. Məhəmməd Abdullayev (+92 kq) Uğur Aydemirlə (Türkiyə) qüvvəsini sınayacaq. 

• Maksim Medvedev: “Çalışırdım ki, həmin epizodu unudum”
• Azər Məmmədov yenidən "Səbail"də
• “Bavariya”nın məşqçisi "Ayntraxt"da
• Azərbaycan çempionu Niderland klubuna uduzdu - YENİLƏNİB
• “Qəbələ” polşalı qapıçı ilə danışıqlara başladı