"Qarabağ" Avropa Liqası 1/8 final mərhələsinin ilk oyunu çərçivəsində Bakıda Almaniya təmsilçisi "Bayer"lə 2:2 bərabərə qalıb. 

Apasport.az xəbər verir ki, Ağdam klubunun prezidenti Tahir Gözel matçdan sonra açıqlama verib:

"70-ci dəqiqəyə qədər "Bayer"lə oyunda öndə olmaq... "Qarabağ" Avropada tarixi rekordu qırır. Qarşımızda Avropanın ən güclü klubu var idi. Son dəqiqələrdə qol olmasaydı, bu gün tarix yaşayacaqdıq. Amma mən yenə də Qurban Qurbanova, canlarını qoyan futbolçularıma, möhtəşəm azarkeşlərə və xalqıma təşəkkür edirəm. Həyatımın ən çətin anlarından biri "İnter"lə oyun idi. Həmin matçdan sonra cənab prezident dedi ki, mən sizi qalib hesab edirəm. Bu qalib ruh buraya gəldi. Çox xoşbəxtəm ki, ölkəmizi qürurlandırdıq. Artıq bütün dünya bilir ki, Qarabağ Azərbaycandır. Biz buna layiqik. Bizim içimizdəki bu alovu heç kim söndürə bilməz. Davam edəcəyik. UEFA-da çıxış edərkən demişdim ki, "Qarabağ" Avropada sürpriz etmək istəyir. Bizim arzumuz budur. Hesab edirəm ki, bu gün bu sürprizi bacardıq. Tam istədiyimiz alımmasa da, hər iki komandanı təbrik edirəm, möhtəşəm oyun oldu".

Tahir Gözel cavab görüşü haqda da fikirlərini bildirib:

"Paltardəyişmə otağında futbolçularla görüşdüm. Onların ürəklərindəki alovu, inamı gördüm. Almaniyaya möhtəşəm klub gedir. Əlbəttə bu, futboldur. Nəticəni biz bilmirik. Sizə bir şey deyim, oraya çox əzmkar "Qarabağ" gedəcək. Bundan heç kəsin şübhəsi olmasın. Almaniyada yaşayan hər kəsi səfər oyununda stadionda gözləyirik".

• "Trabzonspor" - "Fənərbaxça" oyunu ilə bağlı TFF-dən açıqlama
• "Sabah" nigeriyalı hücumçu ilə yolları ayırdı
• 2,06 əmsallıq KUPON
• Krunoslav Renduliç: "Mərhələ keçmək üçün əlimizdən gələni edəcəyik "
• Messi həyat yoldaşından ayrılır – Aquero ilə tez-tez bara getdiyi üçün