İsveçrənin Nyon şəhərində UEFA-nın antidopinq təhsili üzrə tədbir keçirilib.

Apasport.az Azərbaycan Milli Antidopinq Agentliyinin (AMADA) mətbuat xidmətinə istinadən xəbər verir ki, tədbirdə ölkəmizi AMADA-nın Təhsil şöbəsinin əməkdaşı Qüdrət Səfərov və AFFA-nın həkimi Olcay Bayramov təmsil ediblər.

Ümumdünya Antidopinq Agentliyi (WADA), Avropa Şurası, Milli Antidopinq Təşkilatları İnstitutu (iNADO), Beynəlxalq Test Agentliyi, futbol federasiyaları assosiasiyaları və milli antidopinq təşkilatlarından 100-dən çox nümayəndəni bir araya gətirən tədbir təhsil vasitəsilə idmanda dürüstlüyün möhkəmləndirilməsinə qlobal öhdəlik nümayiş etdirib.

Tədbir zamanı UEFA-nın Antidopinq departamentinin rəhbəri Mark Vuyyamoz antidopinq səylərinin əsası kimi təhsilin həlledici rolunu vurğulayıb. Tədbirdə UEFA-nın Təhsil modelləri ətraflı nəzərdən keçirilib və antidopinq təcrübəsinin daha da təkmilləşdirilməsi üçün bu təşəbbüslərin inkişaf etdirilməsinin vacibliyi diqqətə çatdırılıb

• 90 milyona satılmayan futbolçu ilə yeni müqavilə
• Qollu KUPON
• AFFA cəzaçəkmə və tərbiyə müəssisələrində futbol dərsləri təşkil edib
• “Apasport” KUPONU
• “Real” 14-cü dəfə Çempionlar Liqasının qalibi oldu!