Misli Premyer Liqasının XI turunda dünən “Bakcell Arena”da “Sabah”la keçirilən oyunun ilk hissəsində zədələnən “Neftçi”nin futbolçusu Yusuf Laval “Liv Bona Dea Hospital”da müayinədən keçib.

Apasport.az xəbər verir ki, bu barədə “ağ-qaralar”ın mətbuat xidməti məlumat yayıb.

Bununla bağlı hətta klubun baş həkimi Şaiq Zöhrablı klubun rəsmi saytına açıqlama verib: “Sınığı və daxili orqanlarda zədəsi yoxdur. Sadəcə, möhkəm əzildiyi üçün ağrı hiss edir. Ağrısı azalsa, artıq komandanın növbəti məşqində iştirak edə biləcək”.

Qeyd edək ki, “Neftçi” – “Sabah” oyunu qonaqların 3:2 hesablı qələbəsi ilə yekunlaşıb.

• Cüdoçular Paris Olimpiadasına hazırlıq keçib
• AVF-nin nümayəndəsi beynəlxalq oyuna təyinat alıb
• Samir Abasov yenidən tələbəsinə göz dikdi – YALNIZ BİZDƏ
• Braziliya KUPONU
• Birinci Liqa: "Qəbələ" 3 xalı 1 qolla qazandı - YENİLƏNİB