Ekvadorlu futbolçuların Qətərlə oyundakı qəbiləsayağı qol sevinclərinin səbəbi bəlli olub.

Apasport.az saytının məlumatına görə, DÇ-2022-nin açılış matçında cənubi amerikalılar vurduqları hər iki qolu qeyd edərkən dairəvi formada düzülüb, daha sonra dizləri üstə çökərək dua ediblər.

Onlar bu addımları ilə vurduqları qolları 2013-cü ildə dünyasını dəyişmiş ekvadorlu futbolçu Kristian Benitesin ruhuna həsr ediblər. Ekvador millisinin hücumçusu olmuş Benites 2013-cü ildə məhz Qətərin paytaxtı Dohada dünyasını dəyişib. O, həmin ilin iyulunda yerli “Əl Caiş” klubu ilə müqavilə bağlasa da, cəmi 1 matça çıxa bilib. Şeyx Cassim Kuboku matçında “Qətər” komandasına qarşı 28 iyulda oyuna çıxan futbolçu 1 gün sonra ürək ağrılarından dünyasını dəyişib. Həmin futbolçunun cəmi 27 yaşı vardı.

Qeyd edək ki, qarşılaşma Ekvadorun 2:0 hesablı qələbəsi ilə başa çatıb.

• “Apasport”un KUPONU
• Mbappe & Messi fərqi
• 2023/24 mövsümündə ən çox izləyicisi olan klublar
• Pley-offlara 4,30 əmsallıq KUPON
• Prezident: “İmarət” stadionunun yeni layihəsi işlənilir”