İngiltərə Premyer Liqasında XIX tura yekun vurulub.

Apasport.az xəbər verir ki, "Çelsi" Londonda "Mançester Siti"ni qəbul edib. Matç qonaq komandanın 1:0 hesablı qələbəsi ilə başa çatıb.

60-cı dəqiqədə meydana buraxılan Riyad Məhrez və Cək Qriliş, demək olar ki, topa ilk toxunuşda fərqlənməyi bacarıblar. 63-cü dəqiqədə Qrilişin ötürməsi ilə Fransa doğumlu Əlcəzair millisinin futbolçusu Riyad Məhrez matçda yeganə qolu vurub. Bu qələbə ilə "Siti" lider "Arsenal"la xal fərqini 5-ə endirib.

Qeyd edək ki, bu komandalar yanvarın 8-də yenidən üz-üzə gələcəklər. Bu dəfə Mançester şəhərindəki qarşılaşma İngiltərə kubokunun 1/16 final matçı olacaq.

• Rəşad Sadıqov: “Komanda və məşqçi olaraq, yüksək yerlər uğrunda mübarizə aparmaq istəyirik”
• Finala son addım - YENİLƏNİR
• "Braqa"nın çalışdırıcısı: “Qarabağ”la oyunumuz çox çətin olacaq”
• "Mançester Siti"dən transfer
• "Kəpəz"in yeni mövsüm üçün hazırlıq planı bəlli olub