Monteneqronun Budva şəhərində keçirilən gənc boksçular arasında dünya birinciliyində final görüşlərinə start verilib.

Apasport.az xəbər verir ki, mərhələnin ilk günündə Azərbaycan millisinin üzvü Bilalhəbaşi Nəzərov (48 kq) rinqə çıxıb.

O, həlledici görüşdə Safyiddin Sabirovla (Özbəkistan) qarşılaşıb. Görüş rəqibin 5:0 (29:28, 29:28, 29:28, 29:28, 29:28) hesablı qələbəsi ilə başa çatdığından Nəzərov dünya birinciliyini gümüş medalla başa vurub.

Bu, milli komandamızın mundialda rəsmiləşən 4-cü mükafatı olub. Boksçularımızdan daha öncə Məhəmmədəli Qasımzadə (60 kq), Zidan Hümbətov (51 kq) və Aynur Mikayılova (57 kq) bürünc medal qazanıb.

Qeyd edək ki, sabah keçiriləcək final mərhələsinin ikinci günündə Əli Abdullayev (63,5 kq) də rinqə çıxacaq. O, çempionluq görüşündə Abdulaziz Jurakulovla (Özbəkistan) döyüşəcək.

• III Liqa klubu yenidən rekord qırıb: Qarşılaşmanı 43 000 azarkeş izləyib
• Ayxan Abbasov: “İnanmıram ki, kimsə “Qarabağ”dan qorxsun” - MÜSAHİBƏ
• “Apasport” KUPONU
• “Turan Tovuz”un legioneri yığmaya dəvət aldı
• Qurban Qurbanov: "Bayer"lə görüşlər bizim üçün böyük təcrübədir"