Yunanıstanın Lutraki şəhərində güləş üzrə U-15 Avropa çempionatına start verilib.

Apasport.az xəbər verir ki, sərbəst güləş millimiz qitə birinciliyində uğurlu çıxış edib.

Komandamız çempionatda 1 qızıl, 3 gümüş və 4 bürünc medal qazanıb. İbrahim Həsənov (41 kq) bütün rəqiblərinə qalib gələrək Avropa çempionu olub. Rəşid Nazarov (52 kq), Ruslan Vəliyev (62 kq) və Nihad Süleymanlı (75 kq) gümüş, Musa Tağıyev (38 kq), Abbas Şəfiyev (44 kq), Ramal Məmmədoğlu (52 kq) və Asim Əliyev (57 kq) isə bürüncə yiyələnib.

Yekunda 140 xal toplayan millimiz ən yaxın izləyicisini 31 xal qabaqlayaraq komanda hesabında Avropa çempionu olub. Gürcüstan (109) ikinci, Türkiyə (104) isə üçüncü pillədə qərarlaşıb.

Qeyd edək ki, U-15 Avropa çempionatları tarixində ilk dəfə sərbəst güləş üzrə millimiz komanda hesabında 1-ci yeri tutub.

• "Neftçi" yeni tərəfdaşlıq müqaviləsi imzaladı
• “Araz-Naxçıvan” daha 7 futbolçu ilə yollarını ayırıb
• Samir Abasov: "Kədərlənməyə vaxtım yoxdur"
• Türkiyə KUPONU
• Fərrux Mahmudov: “Çempionluq məsələsi başqadır”