Azərbaycanın qadınlardan ibarət həndbol millisi Özbəkistanın paytaxtı Daşkənddə keçirilən Mərkəzi Asiyanın Açıq Çempionatında növbəti qələbəsini qazanıb.

Apasport.az xəbər verir ki, yığma təşkilatçı ölkənin ROPSTTM klubu ilə qarşılaşıb.

Görüş Azərbaycan təmsilçisinin 39:31 (20:18) hesablı qələbəsi ilə yekunlaşıb. Yığma ötən gün Özbəkistanın OKMK klubunu məğlub etmişdi - 30:28 (18:13).

Qeyd edək ki, mayın 21-dək davam edəcək yarışda 9 komanda mübarizə aparır. Yığmamız A qrupunda növbəti matçını Qazaxıstanın ALMATA REGİON klubuna qarşı keçirəcək. Qruplarda ilk iki yeri tutacaq komandalar yarımfinala yüksələcəklər. Turnirə mayın 21-də yekun vurulacaq.

• Ronaldo Premyer Liqa klubuna lazım deyil
• Krakov-2023: Abışovdan 12-ci yer
• “Bavariya”dan 250 milyonluq müqavilə
• “Göztepe” 10 nəfərlə “Trabzonspor”u məğlub etdi
• Qazaxıstan KUPONU