“Xarıbülbül” və “Azərreyl”in avrokubokda rəqibləri bəlli oldu

19.07.2023 - 16:47

Voleybol üzrə avrokubokların 2023/24 mövsümünün püşkü atılıb.

Apasport.az saytının məlumatına görə, qitəmiqyaslı turnirlərdə mübarizə aparacaq Azərbaycan klublarının da rəqibləri bəlli olub.

Kişilərdən ibarət “Xarıbülbül” “Çağırış kuboku”nda mübarizə aparacaq. Şuşa təmsilçisi 1/32 finalda “Spartak” (Slovakiya) ilə qarşılaşacaq. Azərbaycan çempionatının gümüş mükafatçısı ilk oyunu evdə keçirəcək.

Qadın voleybolçulardan ibarət “Azərreyl” də “Çağırış kuboku”da qüvvəsini sınayacaq. Bakı klubu 1/32 finalda “Balta” (Ukrayna) ilə görüşəcək. Çempionumuz yarışa evdə başlayacaq.

Qeyd edək ki, 1/32 final mərhələsinin oyunlarına kişilər 24-26 oktyabr və 31 oktyabr – 2 noyabr, qadınlar 10-12 və 17-19 oktyabr tarixlərində çıxacaq.