“Bavariya” 60 milyon tələb edir

14.06.2023 - 01:23

Lukas Ernandes “Bavariya” rəhbərliyinə klubu tərk etmək istədiyini bildirib.

Apasport.az saytı xəbər verir ki, fransalı müdafiəçi karyerasını PSJ-də davam etdirəcək.

Ernandesin Münhen klubu ilə bir illik müqaviləsi olsa da, komandanı tərk etmək arzusundadır. “Bavariya” tələb olunan məbləğ ödənilərsə, keçidə “yaşıl işıq” yandıracaq: almanlar 60 milyon avro və bonuslar qarşılığında müsbət cavab verməyə hazırdırlar.

Qeyd edək ki, Lukas 2019-cu ildə “Atletiko”dan 80 milyon avroya transfer olunmuşdu. Dünya çempionatında zədələnən müdafiəçi Almaniya çempionatında cəmi 11 oyun keçirib.