“Fənərbaxça”da zədəli futbolçuların sayı artmaqda davam edir.

Apasport.az xəbər verir ki, Super Liqanın “Pendikspor”la (5:0) qarşılaşmasında aparıcı futbolçulardan Rodriqo Bekao, Samet Akaydın və Fred də zədələnərək sıradan çıxıb. Bekao və Sametin "Trabzonspor"la oyuna qədər hazır olması üçün həkimlər heyəti əlindən gələni etsə də, Fredin ən tez 12 noyabrda keçiriləcək "Adana Dəmirspor"la matçda meydana çıxacağı ehtimal olunur.

Buna qədər sol ayaq biləyindən əməliyyat olunan Sərdar Azizin ay yarım oynamayacağı dəqiqləşmişdi. Ludoqoretslə matçda sağ ayaq sümüyündə səthi qırıq əmələ gələn Aleksander Ciku da cavab oyununda forma geyinməyəcək.

Qeyd edək ki, 11-ci turun “Fənərbaxça” – “Trabzonspor” matçı noyabrın 4-də keçiriləcək.

• “Apasport” KUPONU
• Çexiya KUPONU
• Mahrezə Səudiyyə Ərəbistanından təklif
• Bəxtiyar Musayev: “Neftçi” 3-cü yerə qalxacaq, birinci yerdən danışmağa dəyməz"
• "Fənərbaxça"dan 30 milyonluq tələb