“Hamburq”un futbolçusu Mario Vuşkoviç cəzalanıb.

Apasport.az saytının məlumatına görə, yarımmüdafiəçi 2 illik diskalifikasiya olunub.

21 yaşlı xorvatiyalı antidopinq qaydalarını pozduğu üçün belə ağır cəzaya məruz qalıb. Onun qanında eritropoetin aşkarlanıb.

Mario 2022-ci ilin noyabrında araşdırma başa çatana qədər futboldan kənarlaşdırılmışdı. Almaniya Futbol İttifaqı təxminən 5 aydan sonra yekun qərarını verib. Futbolçu 2024-cü il noyabrın 14-dək futboldan kənar qalacaq.

Qeyd edək ki, “Hayduk”dan transfer olunan futbolçu 18 matçda 2 qol vurub.
 

• İlin ilk "Böyük Dəbilqə"sində çıxış edəcək cüdoçularımız – ADLAR
• Asiman Qurbanlı: “Yenidən çempionluq qazanmaq istəyirəm”
• 10 ilin ən uğursuz startı
• “Kəpəz”in Rusiyadan gətirmək istədiyi futbolçular
• “Rakov”un qapıçısından etiraf: “Həyatımdakı ən çətin oyunlardan biri idi”