"İnter"in idman direktoru: “Onu qaytarmaq istəyirik”

06.07.2023 - 10:52

“Lukaku bilir ki, biz onu komandaya qaytarmaq istəyirik. Bunun üçün də həll yolu tapmağa çalışırıq”.

Apasport.az saytı xəbər verir ki, "İnter"in idman direktoru Piero Osilio ötən mövsüm "Çelsi"dən icarəyə götürülən hücumçu Romelu Lukaku ilə bağlı vəziyyəti açıqlayıb.

İtaliya klubunun nümayəndəsi belçikalı forvardın komandaya transferi üçün ingilislərlə danışıqlara davam etdiklərini bildirib: “O, hazırda "Çelsi"dədir, əlaqə saxlayırıq. Bizə dedilər ki, Lukakunu yenidən icarəyə verməyi düşünmürlər. Tam keçid üçün imkanları araşdırırıq, daha sonra bunun mümkün olub-olmadığını görəcəyik”.

Qeyd edək ki, 30 yaşlı forvard karyerası ərzində 600 matçda iştirak edərək, 288 qolla yadda qalıb.