Kolo Ture Çempionşipdə

19.11.2022 - 10:22

“Liverpul” və “Arsenal”ın sabiq futbolçusu Kolo Turenin yeni iş yeri bəlli olub.

Apasport.az saytının məlumatına görə, Fil Dişi Sahilindən olan futbol veteranı “Uiqan”ın baş məşqçisi təyin ediləcək.

Çempionşip təmsilçisinin rəhbəri Talal Al-Hammad ilkin razılıq əldə olunan 41 yaşlı mütəxəssislə danışıqları yekunlaşdırmaq üçün Londona yollanıb. “Uiqan” bir neçə gün əvvəl Kolonun qardaşı Yayanı baş məşqçi gətirmək istəsə də, sonuncu imtina edib.

2017-ci ilin sentyabrında karyerasını başa vuran Kolo “Seltik”də Brendan Rocerin köməkçilərindən olub. 2019-cu ildə onunla birlikdə “Lester”ə keçib.

Qeyd edək ki, “Uiqan” 8 oyunluq qələbəsizlikdən sonra Liam Riçardsonu istefaya göndərib.