"Qarabağ"ın İdarə Heyətinin üzvü Asif Əsgərov UEFA-nın iclasında iştirak edib.

Apasport.az xəbər verir ki, o, UEFA-nın Klub Yarışların Təşkili Komitəsinin toplantısında təmsil olunub.

İngiltərənin paytaxtı Londonda keçirilən toplantıda 2024-27-ci illərdə keçiriləcək yarışlarla bağlı media, kommersiya satışlarındakı yeniliklər müzakirə olunub. Komitə üzvləri avrokuboklara qatılmayan klublara maliyyə yardımı, qonaq komandalara ayrılan biletlərin maksimal qiyməti barədə fikir mübadilələri aparıblar. Yığıncaqda turnirin qalibinin öz ölkəsinə əlavə yer qazandırdığı vaxt klub bölgüsünün yenidən balanslaşdırılması məsələləri müzakirəyə çıxarılıb.

Tədbirdə DÇ-2026 və klublararası DÇ-2025-in digər turnirlərə, həmçinin komandalara təsiri ilə bağlı müzakirələr də aparılıb. Tədbir iştirakçıları yeni sponsorlarla iş prosesinin gedişi, təsdiqlənmiş və davam edən tərəfdaşlarla danışıqların aparılması prosedurları ilə tanış olublar.

Qeyd edək ki, Əsgərov komitənin digər üzvləri ilə birlikdə Çempionlar Liqasının “Uembli”də keçirilədək “Borussiya” (Dortmund, Almaniya) – “Real” (Madrid, İspaniya) oyununu izləyəcək. O, UEFA-nın final oyununa dəvət etdiyi Ali qonaqlar arasındadır.

• İkili kupon
• İsveç kuponu
• Vilayət Eyvazov qızıl medalla təltif olunub
• “Bayer” yeni futbolçu transfer etdi
• Həftənin ən yaxşısı: Antuan Qrizmann