Uşaq və gənclərin fiziki və mənəvi inkişafı istiqaməti üzrə

Bu həftə Azərbaycan kubokunda yarımfinal mərhələsi start götürəcək.

Apasport.az saytının məlumatına görə, mayın 28-dəki finala doğru son addımını atmalı olan 4 komanda ilk oyunlarına çıxacaq.

Paytaxt derbisində “Neftçi” və “Zirə” üz-üzə gələcək. Bölgə komandalarının duelində “Qarabağ”la “Qəbələ” qarşılaşacaq.

Sayca 30-cu – yubiley mövsümü tarixdə 28-ci finalla başa çatacaq. İki dəfə turnir yarımçıq qalıb. Bir dəfə klubların AFFA-ya qarşı qiyamı, digərində koronavirus mövsümü sona çatdırmağa imkan verməyib.

Azərbaycan kubokunun bütün finalları

Qeyd: “İnter” və “Keşlə” indiki “Şamaxı”nın əvvəlki adlarıdır.

Yarımfinalçıların adlarına baxsaq, onlardan üçü əvvəllərdən bu səddi adlayanlardır. “Neftçi” ümumiyyətlə yarışın rekordçusudur. Bakılılar 10 dəfə final oynayıb. “Qarabağ” cari mövsüm bu rekordu təkrarlaya bilər. Bunun üçün ağdamlılar yarımfinala adlamalı, “Neftçi” isə büdrəməlidir.

Dörd dəfə final oynayan “Qəbələ” bu göstəricidə “Xəzər Lənkəran”a çatmaq imkanı qazanıb. “Zirə” isə tarixində ilk dəfə finala yüksələrək bunu bacaran 18-ci komanda ola bilər.

Finalçılar

Cari mövsüm 4 fərqli final variantı mümkündür. “Zirə”nin “Qarabağ” və ya “Qəbələ” ilə mümkün dueli finallar tarixində ilk dəfə yaşanmış olacaq.

“Neftçi” finala çıxsa, əvvəllər rast gəlinən həlledici matç təkrarlanacaq. “Ağ-qaralar” hər iki rəqiblə finalda üz-üzə gəlib.

“Neftçi” – “Qarabağ” finalları daha çox üç dəfə baş tutub. Azərbaycan derbisi 4-cü dəfə finala təsadüf etsə, bu rekord yenilənəcək.

Üç cüt finalda iki dəfə görüşüb. Bunlar “Qarabağ” – “Kəpəz”, “Xəzər Lənkəran” – “İnter”, “Neftçi” – “Şəmkir” duelləridir.

Yarımfinalçı klubların baş məşqçilərinə baxsaq, onlardan yalnız biri final həyəcanı yaşayıb. Bu o deməkdir ki, ən azı bir mütəxəssis ilk finalını görəcək.

“Qarabağ”ın baş məşqçisi Qurban Qurbanov 4 dəfə həlledici qarşılaşmada olub ki, bunların hamısında komandası qalib gəlib. Samir Abasov (“Neftçi”), Rəşad Sadıqov (“Zirə”) və Elmar Baxşıyev (“Qəbələ”) ilk finalına can atır.

Qalib məşqçilərdən söz düşmüşkən, Qurban Qurbanov Mehman Allahverdiyevlə şərikli rekordçudur. Ağasəlim Mircavadov üç, Kazbek Tuayev, Əsgər Abdullayev və Sənan Qurbanovun iki kuboku var.

Qalib məşqçilər

Ümumilikdə 34 baş məşqçi finalda iştirak edib. Rekord Ağasəlim Mircavadova məxsusdur. O, beş finaldan üçündə qələbəyə sevinib. Qurban Qurbanov cari mövsüm 5-ci finalına yüksəlsə, rekord təkrarlanacaq.

Mircavadov iki final uduzan tək məşqçi deyil. Valentin Xodukin, Rəşid Özbəyov, Roman Qriqorçuk və Ayxan Abbasov da eyni uğursuzluğu yaşayıb.

Ümumilikdə 34 finalçı baş məşqçidən 15-i kubok sevinci yaşayıbsa, 19-u titulu görməyib. Yalnız üç mütəxəssis finalda həm qalib, həm məğlub olub.

Finalın uğursuzları

Vüqar Xeyrullayev

MEDİA-nın maliyyə yardımı ilə dərc olunur

• Ernandes “Bavariya”ya qoşuldu
• AFFA-nın yeni vitse-prezidentləri bəlli oldu
• Dembele PSJ-yə getmək niyyətində olmadığını bildirdi
• “Real” Pavarı gözləyir
• “Ödənişli” kuponlarda NÖVBƏTİ “10+”