“Neftçi” Anatoli Demyanenkonun rəhbərliyi altında ardıcıl yeddinci qələbəsini qazanıb

30.03.2008 - 18:52

Görüşdə vurulan yeganə topun müəllifi Fərrux İsmayılov olub. Komandalar isə oyunu azlıqda başa vurub. Belə ki, matçı idarə edən sabiq FİFA hakimi Anar Niyazov 32-ci dəqiqədə “Olimpik”in yarımmüdafiəçisi Yaşar Abuzərov, 75-ci dəqiqədə meydan sahiblərinin qapıçısı Rauf Mehdiyevlə qonaq komandanın kapitanı Kamal Quliyevə qırmızı vərəqə göstərərək, onları meydandan çıxarıb. “Olimpik”in ən yaxın izləyicisi olan “Neftçi” də qələbə qazanmaqla, 4 xallıq fərqi qoruyub. Flaqman ilk dövrədə “Bakı”dan acınacaqlı məğlubiyyətin (1:5) əvəzini minimal hesablı qələbə ilə çıxıb. İlk dövrədə olduğu kimi, “Bakı”ya qol vuran serbiyalı hücumçu Branimir Subaşiç bombardirlər yarışında “İnter”dəki həmkarı Xaqani Məmmədovla fərqi 2-də saxlayıb. İkinci dövrədən “Neftçi”nin sükanı arxasında olan ukraynalı baş məşqçi Anatoli Demyanenko kubok matçlarını nəzərə alsaq, ardıcıl 7-ci qələbəsini qazanıb.

ABN – “Masallı” – 1:2
Ruslan Rüstəmov, 85 – Boris Qonçarov, 26, Vaja Lomaşvili, 82

“Simurq” – “İnter” – 3:4
Ruslan Kaçur, David Bolkvadze, 30, Kaxaber Çxetiani, 85 – Emin İmaməliyev, 15, Roman Quello, 49, Xaqani Məmmədov, 65, Georgi Vladimirov, 73

“Xəzər-Lənkəran” – “Gənclərbirliyi” – 5:0
Zaur Ramazanov, 10, Dieqo Souza, 23, Nadir Nəbiyev, 46, 66, 90

“Neftçi” – “Bakı” – 3:2
Branimir Subaşiç, 3, Georgi Adamiya, 28-pen, Dmitri Kruqlov, 31 – Leandro Qomeş, 22, Fernando Peres, 76

“Olimpik” – “Standard” – 1:0
Fərrux İsmayılov, 26

“Karvan” – “Qəbələ” - 1:2
Süleyman Kamara, 74 - Samir Zərgərov, 1-penaltiylə, Azər Cabbarov, 49

“Qarabağ” – “Turan” – 0:0

Turnir cədvəli

	Klub	o	q	h	m	t	x
1	Olimpik	18	14	4	0	24-3	46
2	Neftçi	18	13	3	2	35-16	42
3	İnter	18	11	4	3	34-12	37
4	Xəzər-Lənkəran	18	10	6	2	35-13	36
5	Simurq	18	9	3	6	28-18	30
6	Qəbələ	18	9	0	9	23-22	27
7	Bakı	18	7	6	5	26-18	27
8	Qarabağ	18	6	6	6	17-14	24
9	Masallı	18	6	3	9	21-32	21
10	Karvan	18	6	2	10	15-18	20
11	Standard	18	4	6	8	20-20	18
12	Turan	18	2	3	13	10-35	9
13	ABN	18	1	6	11	9-31	9
14	Gənclərbirliyi	18	2	0	16	12-55	6

Bombardirlər: Branimir Subaşiç (“Neftçi”) – 14, Xaqani Məmmədov (“İnter”) - 12, Junivan Suares (Olimpik) - 11.

Qeyd edək ki, XX turun oyunları aprelin 5-də və 6-da keçiriləcək: “Masallı” – “Neftçi”, “Standard” – “Simurq”, “Qəbələ” – “Xəzər-Lənkəran”, “Turan” – ABN, “Bakı” – “Olimpik”, “İnter” – “Karvan”, “Gənclərbirliyi” – “Qarabağ”