Bakı - APA-Sport. UEFA 2007/08 mövsümündə Avropa ölkələrinin milli çempionatlarında və yığmalarda fərqlənən 100 futbolçunun adını açıqlayıb. “APA-Sport” agentliyinin məlumatına görə, “Top-100”ə Türkiyə milli komandasının 5 üzvünün adı düşüb. Siyahıda yer alan ən gənc türkiyəli oyunçu Arda Turandır. “Qalatasaray”ın 21 yaşlı yarımmüdafiəçisi ötən mövsüm Türkiyə Superliqası çərçivəsində “Sivasspor”la oyunda imza atdığı het-triklə diqqət çəkib. Bundan başqa, onun yığmanın heyətində Avropa çempionatında İsveçrə və Çexiyaya vurduğu qollar da bəyənilib.
“Vilyareal”ın şərəfini qoruyan Nihat Kahveçi öz sözünü həm İspaniya çempionatında, həm də Avro-2008-də deyib. O, Primeroda rəqib qapılarına 17 dəfə yol tapmaqla, “Vilyareal”ın ən məhsuldar üzvünə çevrilib. İyunda isə Nihat gücünü qitə birinciliyində göstərib.
“Top-100”ə düşən digər türkiyəlilər Semih Şəntürk, Volkan Dəmirəl (hər ikisi “Fənərbaxça”) və Hamit Altıntopdur (“Bavariya”).

• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq
• Messi hakimi təhqir etdi
• Klublararası DÇ-nin yeni kuboku ictimaiyyətə təqdim olundu