Bakı. Aqşin Əliyev – APA-Sport. Azərbaycan milli komandasının baş məşqçisi Berti Foqts Britaniya mətbuatına müsahibəsində ən yaralı yerindən danışıb. “APA-Sport”un məlumatına görə, 62 yaşlı çalışdırıcı jurnalistlərlə münasibətinə toxunub, onların davranışından şikayətlənib.

Almaniyalı mütəxəssis bəzən haqsız yerə media təmsilçilərinin tənqidinə məruz qaldığını bildirib: “Əgər suyun üzərində gəzməyi bacarsaydım, mənim üzməyi bilmədiyimi söyləyib, tənqid edəcəkdilər”.

Foqtsu ən çox narazı salan KİV nümayəndələrinin tələbkarlığıdır. O, jurnalistlərin böyük iddiaya düşdüklərini söyləyib: “Siz jurnalistlər, oturub çay içirsiniz və gözləyirsiniz ki, 6:0 hesablı qələbə qazanaq. Ancaq unutmayın ki, bir gecənin içində Aya uçmaq qeyri-mümkündür. Mətbuat təmsilçiləri bəri başdan dünya çempionatı üçün Cənubi Afrika Respublikasında otel sifariş etməyimi istəyirlər. Bu, inanılmazdır”.

Qeyd edək ki, Foqtsun belə aqressiv çıxışına onun sentyabrın 10-da Bakıda Lixtenşteynə (0:0) qarşı matçdan sonra azərbaycanlı jurnalistlər tərəfindən tənqidə məruz qalması səbəb olub.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO