Bakı. Aqşin Əliyev - APA-Sport. Çimərlik futbolu üzrə Azərbaycan milli komandası bu gün İspaniya ilə yoldaşlıq görüşü keçirib. “APA-Sport”un məlumatına görə, Mərdəkandakı “Dalğa” İstirahət Mərkəzində baş tutan oyunda qonaqlar qələbə qazanıblar.

Braziliyalı məşqçi Qustavo Enrike Zlokkovik Silvanın rəhbərlik etdiyi kollektiv yalnız birinci hissədə ispaniyalılarla başabaş mübarizə aparıb. Hesabı İspaniya yığması açsa da, hissənin sonlarında Hikmət Bağırov tarazlığı bərpa edib.

İkinci hissədə rəqib milli komandamızın qapısından 3 cavabsız top keçirib - 1:4. Futbolçularımız məğlub durumdan üçüncü hissədə də qurtula bilməyiblər. Nəticədə həmvətənlərimiz 2:6 hesabı ilə uduzublar.

Qeyd edək ki, həm Azərbaycan, həm də İspaniya yığması sabah Avropa kuboku uğrunda yarışda ilk oyunlarına çıxacaqlar.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları