Bakı. Vüqar Xeyrullayev – APA-Sport. Türkiyənin “Qalatasaray” klubunun rəhbərliyi almaniyalı baş məşqçisi Mixael Skibbedən ciddi narazıdır. “APA-Sport”un məlumatına görə, son vaxtlar mütəxəssisə dəstək olan klub prezidenti Adnan Polat da ona qarşı çıxıb. İndi prezident də baş məşqçidən UEFA kubokundakı çıxışın hesabını istəyir.

İsveçrənin “Bellinzona” komandasını 4:3 məğlub etməsindən məmnun qalmayan klub rəhbərliyi Skibbedən bir çox suallara cavab almaq niyyətindədir. Polat almaniyalı məşqçidən İsveçrədə üç qol buraxan komandanın müdafiəsindəki acizliyin, həmçinin zədəli futbolçuların sayının niyə gündən-günə artmasının səbəblərini öyrənmək istəyir.

• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub
• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord