Bakı. Vüqar Xeyrullayev – APA-Sport. Bakının “Neftçi” klubunun almaniyalı baş məşqçisi Hans Yurgen Gede Azərbaycan Premyer Liqasında debüt edib. “APA-Sport”un məlumatına görə, komandasını ilk dəfə “Turan”la səfər matçına çıxaran Gede adını ölkəmizdə çalışmış əcnəbi mütəxəssislər sırasına yazdırıb.

Almaniyalı Premyer Liqanın tarixi ərzində meydana komanda çıxaran 21-ci legioner məşqçi olub. Gede həm də çempionatda öz ölkəsini təmsil edən ilk mütəxəssis olub.

İndiyədək Premyer Liqada 9 ölkədən çalışdırıcılar komandalara rəhbərlik etmişdi. Türkiyə, Ukrayna, Makedoniya, Çexiya, Gürcüstan, Serbiya, Moldova, Fransa, Xorvatiyanın yer aldığı siyahıya Almaniya 10-cu kimi daxil oldu.

Premyer Liqadakı oyunların sayına görə əcnəbilər arasında lider olan Rasim Kara üçün də 5-ci tur əlamətdar olub. “Xəzər-Lənkəran”a rəhbərlik edən türkiyəli mütəxəssis komandasını 75-ci çempionat matçına çıxarıb. Həm də cənublular Karanın başçılığı altında Premyer Liqada 25-ci dəfə qələbə qazanıb.

• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub
• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib