Bakı. Mehman Süleymanov - APA-Sport. “Lider olmağımız sensasiya deyil. Komandam futbol oynamaq bacarığını səfərdə “Bakı”nı böyük hesabla məğlub etdiyi oyunda göstərdi”. Bunu “APA-Sport”a açıqlamasında Azərbaycan Premyer Liqasının lideri olan Yevlaxın “Karvan” klubunun baş məşqçisi Yunis Hüseynov deyib.

Komandasını turnir cədvəlinə başçılıq etməyə layiq sayan Hüseynovun fikrincə, nəticə qazanmaq üçün yaxşı kollektiv yaradıb: “Liderliyimiz niyə gözlənilməz olmalıdır ki? Mövsümlərarası fasilədə heyətdə edilən köklü dəyişikliklərin bəhrəsini görürük. İndi komandada daxili ab-hava yaxşıdır, nəticə üçün vacib olan əsl kollektiv yaratmışıq. Kollektiv keçən mövsüm də var idi. Sadəcə, həmin futbolçular çoxdan komandada olduğundan, artıq “doymuşdular”. Onların getməyi məsləhət idi və belə də etdik”.

Cari mövsümdə mükafatçılar sırasına düşmələrini real hesab edən məşqçinin sözlərinə görə, bunun üçün sabit çıxış etmək vacibdir: “Hər bir oyuna ölkə kubokunun final matçı kimi çıxırıq. Futbolçularımın hamısına inanıram, onları həvəsləndirirəm və bu da uğurlu çıxışa öz töhfəsini verir. Komandanı necə hazırlaşdırdığımı başqalarından soruşmaq lazımdır. Rəqiblərimizin hamısına hörmət edirəm və onlara mesaj göndərmək fikrim yoxdur. Ümumiyyətlə, mesaj göndərmək mənlik deyil”.

• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub
• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib