Bakı. Vüqar Xeyrullayev - APA-Sport. “Azərbaycan yığması heç də həmişə yaxşı komanda olmayıb. Lakin ölkə xaricindən dəvət olunan baş məşqçinin daha mütəşəkkil kollektiv formalaşdırdığını düşünürəm”. “APA-Sport”un məlumatına görə, bu sözləri Finlandiya milli komandasının müdafiəçisi Sami Hyuyupya deyib.

Dünən 35 yaşını qeyd edən futbolçu Azərbaycan yığmasının inkişafda olduğunu düşünür. Finlandiyanın Azərbaycana qarşı keçirdiyi 6 oyunun hamısında start heyətində meydana çıxan və 1 qol vuran Sami komandasının əvvəlki uğurunu unutmağı lazım bilib: “Əhval ruhiyyəmizin necə olmasına baxmayaraq, hər oyuna yeni sınaq, imtahan kimi baxırıq. Şəxsən mənim üçün Almaniya ilə uğurlu oyunun özü də artıq tarixdə qalıb. İndiki vəziyyətdə həmin heç-heçənin şişirdilməsi bizi üzüntüyə daşıya bilər. Bunu düşünməkdənsə, Azərbaycanla oyuna çıxıb qələbə qazanmaq daha yaxşıdır. Yaxşı bələd olduğum Azərbaycan yığması ildən-ilə inkişaf edir. Ötən il onların qarşısını almaq belə müşkül məsələ idi. Texniki cəhətdən çox səviyyəli və sürətli olmaları Azərbaycan yığmasının oyunçularını səciyyələndirən xüsusiyyətlərdir. Onların fərdi ustalıq keyfiyyətləri isə rəqiblərinin işini daha da qəlizləşdirir”.

Qeyd edək ki, İngiltərənin “Liverpul” klubunda çıxış edən Hyuyupya milli komandada 92 oyuna 5 qol vurub.

• “Roma”da yeni müqavilə
• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb