Bakı. Mehman Süleymanov - APA-Sport. Ukraynanın “Metallist” klubunun məşqçisi Sergey Kovalets UEFA kubokunda “Qalatasaray”la bir qrupa düşmələrini müsbət hal sayır. “APA-Sport”un məlumatına görə, qrup mərhələsinə düşmək uğrunda Türkiyənin digər təmsilçisi – “Beşiktaş”ı mübarizədən kənarlaşdıran Xarkov təmsilçinin çalışdırıcısı İstanbula növbəti səfərdən çəkinmədiklərini deyir. Bu azmış kimi, Kovalets orada dəstəklənəcəklərini gözləyir: “Qalatasaray”la oyunda “Beşiktaş”la görüşdəki müsbət təcrübə köməyimizə çatacaq. Türk fanatları artıq bizi qorxuda bilməz. Üstəlik, əminəm ki, “Qalatasaray”la oyunda “Beşiktaş”ın fanları bizə azarkeşlik edəcək. Çünki onlar “Qalatasaray”a nifrət edirlər”.

• “Roma”da yeni müqavilə
• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb