Bakı - APA-Sport. Türkiyənin əfsanəvi futbolçusu Hakan Şükür karyerasını Birləşmiş Ərəb Əmirliklərində davam etdirəcək. “APA-Sport”un məlumatına görə, bu haqda Hakanın özü açıqlama verib.

“İçimdə oynamaq üçün bir qığılcım vardı. Bunu dəyərləndirib Birləşmiş Ərəb Əmirliklərindən olan bir komandada çıxış etməyi qərara aldım. Öz üzərimdə çox çalışdım. Xarici ölkəyə, futbola xeyrim dəyəcəyinə inandığım üçün gedirəm”.

37 yaşlı hücumçu anlaşdığı klubun adını açıqlamasa da, son zamanlarda kifayət qədər təklif aldığını bildirib. O, yeni komandasının bütün tələblərini yerinə yetirdiyini də sözlərinə əlavə edib.

• Ən yaxşı adına 5 namizəd
• Keynin heykəli təqdim olunub
• "Qalatasaray" Bernardo ilə maraqlanır
• “Roma”da yeni müqavilə
• Ruslan Qurbanov: "Futbolda oynaya bilməyəcəyimiz rəqib yoxdur"