Bakı - APA-Sport. “Komandanı turnir cədvəlinin 12-ci pilləsində görəndə gözlərimə inanmadım. Bunun yeganə günahkarı Luis Araqonesdir”. “APA-Sport” agentliyinin məlumatına görə, bu sözləri “Fənərbaxça”nın sabiq baş məşqçisi Todor Veselinoviç söyləyib.

“Fənərbaxça”ya 1988-89 mövsümündə çempionluq sevinci yaşadan Veselinoviç ispaniyalı həmkarını zəif mütəxəssis adlandırıb: “Araqonesin Avropa çempionatında İspaniya yığmasına təsiri yox dərəcəsində idi. Həmin heyəti çempion etməmək daha çətin idi. “Fənərbaxça” rəhbərliyi türk futbolunu bilməyən, başqa xarici ölkədə işləməyən birinə etimad göstərməklə səhv etdi”.

İstanbul təmsilçisinin bütün imkanlara sahib olduğunu xatırladan Veselinoviç Araqonesin istefaya göndərilməsini məsləhət görüb. Təcrübəli mütəxəssis onu əvəzləyəcək ən layiqli namizəd kimi isə komandanın keçmiş kapitanı Rıdvan Diməni göstərib.

• Ən yaxşı adına 5 namizəd
• Keynin heykəli təqdim olunub
• "Qalatasaray" Bernardo ilə maraqlanır
• “Roma”da yeni müqavilə
• Ruslan Qurbanov: "Futbolda oynaya bilməyəcəyimiz rəqib yoxdur"