UEFA Çempionlar Liqasının 4 qrupunda mübarizəyə yekun vurulub. Apasport.az saytının məlumatına görə, A, B, C və D qruplarında keçirilən 8 qarşılaşmanın nəticəsinə əsasən, 1/8 finala yüksələn sonuncu 3 komandanın - “Çelsi”, “Roma” və “Panatinaikos”un - adı müəyyənləşib.

Gecənin ən gözlənilməz nəticəsi Barselonada qeydə alınıb. Eyniadlı komanda doğma meydanda ikinci heyətlə oynadığı üçün “Şaxtyor”a uduzub. Buna baxmayaraq, “Barselona” qrup lideri qismində növbəti mərhələyə adlayıb.

“Verder” və “Bordo” isə UEFA kubokunun 1/16 finalına vəsiqə qazanıblar. Əvəzində, tarixində ilk dəfə qrup mərhələsində yarışan və özündən söz etdirməyi bacaran Kipr “Anortosis”i avrokuboklarla erkən vidalaşıb.

Beləliklə, Çempionlar Liqasının 1/8 finalında aşağıdakı 16 klub çıxış edəcək: "Barselona”, “Sportinq”, “Yuventus”, “Mançester Yunayted”, “Arsenal”, “Portu”, “Vilyareal”, “Bavariya”, “Lion”, “Real”, "Atletiko", "Liverpul", “Çelsi”, "İnter", “Roma”, “Panatinaikos”.


A qrupu
“Çelsi” - ÇFR - 2:1
Kalu, 40; Droqba, 72 - Kone, 56.

“Roma” - “Bordo” - 2:0
Brici, 61; Totti, 79.

1.“Roma” 12 xal, 2. “Çelsi” 11, 3. “Bordo” 7, 4.ÇFR 4.


B qrupu
“Verder” - “İnter” - 2:1
Pizarro, 63; Rozenberq, 81 - İbrahimoviç, 88.

“Panatinaikos” - “Anortosis” - 1:0
Karaqunis, 69.

1. “Panatinaikos” 10, 2. “İnter” 8, 3.“Verder” 7, 4.“Anortosis” 6.


C qrupu
“Barselona” - “Şaxtyor” - 2:3
Silvinyo, 59; Buskets, 84 - Qladki, 32; 58; Fernandinyo, 76.

“Bazel” - “Sportinq” - 0:1
Yannik, 20.

1.“Barselona” 13, 2.“Sportinq” 12, 3.“Şaxtyor” 9, 4.“Bazel” 1.


D qrupu
PSV - “Liverpul” - 1:3
Lazoviç, 36 - Babel, 45; Riera, 69; NQoq, 78.

“Marsel” - “Atletiko” - 0:0

1. “Liverpul” 14, 2.“Atletiko” 12, 3.“Marsel” 4, 4.PSV 3.

• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ
• “Fənərbaxça”da daha bir qəza – Bu dəfə Aziz Yıldırım - VİDEO
• “Qızıl top”u qazana bilməyən Lamin Yamal: “Mənim də zamanım gələcək”
• İsmail Kartal avtomobil qəzasına düşüb