“Artıq “Qəbələ” ilə müqavilə imzalamışam. Qarşıdakı mövsümü əyalət təmsilçisində keçirəcəyəm”. Bu sözləri apasport.az saytına açıqlamasında Azərbaycan milli komandasının sabiq futbolçusu Ramin Quliyev deyib.

Son mövsümü “Standard”ın heyətində keçirən 29 yaşlı müdafiəçi artıq özünə yeni komanda tapıb. “Muğan”dan da təklif alan Quliyev Qəbələ təmsilçisinə üstünlük verib: “Klubun şəraiti yaxşıdır. Həm də “Qəbələ” son çempionatda özünü yaxşı tərəfdən göstərməyi bacardı. Ona görə də bu klubu seçdim”.

Artıq yeni baş məşqçi ilə görüşən sol cinah müdafiəçisi bu gün ilk məşqinə çıxıb: “Görüş tanışlıq xarakteri daşıyırdı. Hələlik məşq və qarşıya qoyulan məqsədlər barədə söhbət etməmişik. Toni Adams oyunçuları tanımaq istəyir”.

• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi
• Paraqvay rəqibini gözləyir - Fransa və ya İsveç