Ukrayna Futbol Federasiyasının (UFF) rəhbərliyi həmyerlimiz Vadim Şevçenkonu işdən çıxarıb. Apasport.az saytının məlumatına görə, əslən Bakıdan olan Şevçenko qurumun Hakimlər Komitəsinin sədri vəzifəsindən azad olunub.

Onu ötənlərin məşhur rusiyalı hakimi Aleksey Spirin əvəzləyib. Rusiya Futbol İttifaqının İnspektorlar Komitəsinin sabiq sədri gələn bazar ertəsi Kiyevdə yeni postunda təqdim olunacaq. UFF-nin prezidenti Qriqori Surkis bu vəzifəyə xarici mütəxəssis dəvət edilməsinin vacibliyini bildirməklə, namizədlərlə danışıqlar aparıldığına işarə vurmuşdu.

Qeyd edək ki, Vadim Şevçenko Bakının “Neftçi” klubun sabiq futbolçusu, tanınmış mütəxəssis Vitali Şevçenkonun qardaşıdır.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi