Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının reytinq siyahısını açıqlayıb. Apasport.az saytının məlumatına görə, planetin 350 ən güclüsü arasında Azərbaycanın 1 təmsilçisi yer alıb. Bu, 70,5 xala malik Ağdamın “Qarabağ” klubudur.

Təmsilçimiz Makedoniyanın “Rabotniçki”, Sinqapurun “Sinqapur Armed Forses” və Kolumbiyanın “Atletiko Medelyin” klubları ilə 289-cu yeri bölüşür. Qurban Qurbanovun yetirmələri ötən ayla müqayisədə 7 pillə irəliləyiblər. Belə ki, onlar İFFHS-ın bir ay əvvəlki sıralamasında 296-cs yerdə idilər.

Qeyd edək ki, dünya klublarının reytinqinə Çempionlar liqasının son iki mövsümünün qalibləri “Barselona” (İspaniya) və “İnter” (İtaliya) başçılıq edirlər. Hesablarında 297 xal olan liderlər üçüncü olan Almaniyanın “Bavariya” klubunu 40 xal arxada qoyurlar.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi