Mövsümlərarası fasilədə “Atletiko”ya keçəcəyi söylənilən “Trabzonspor”un və Türkiyə millisinin hücumçusu Burak Yılmaza daha bir müştəri çıxıb. Apasport.az saytının xəbərinə görə, “Napoli”, “Ayaks”, “Arsenal” kimi klubların transfer siyahısında olan 26 yaşlı futbolçuya bu dəfə “Anji” elçi düşüb.

Son zamanlar bahalı transferləri ilə diqqət çəkən Mahaçqala təmsilçisi Buraka müqavilə təklif etməyə hazırlaşır. Transferin məbləği barəsində açıqlama verilməsə də, “Anji”nin adıçəkilən futbolçuya ildə 3 milyon avro məvacib ödəməyə hazır olduğu bildirilir. “Trabzonspor” isə bu xəbəri hələ də təkzib edir.

Qeyd edək ki, Burak hazırda “Trabzonspor”un heyətində 23 qarşılaşmada 27 qol vuraraq Superliqanın bombardiridir.

• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ
• “Fənərbaxça”da daha bir qəza – Bu dəfə Aziz Yıldırım - VİDEO
• “Qızıl top”u qazana bilməyən Lamin Yamal: “Mənim də zamanım gələcək”
• İsmail Kartal avtomobil qəzasına düşüb