Azərbaycan milli komandasının müdafiəçisi Rail Məlikovun çıxış etdiyi “Dənizlispor” bu gün növbəti matçına çıxıb. Apasport.az saytının məlumatına görə, həmyerlimizin komandası Türkiyə PTT Birinci Liqanın 17-ci turu çərçivəsində səfərdə “Bucaspor”la üz-üzə gəlib.

Fasiləyə 0:0 hesablı bərabərliklə yollanan təmsilçimizin komandası təəssüf ki, ikinci yarının 51-ci dəqiqəsində qapısından top buraxıb. Sona qədər oyunda dönüş yarada bilməyən Məlikovun komandası, meydanı məğlub durumda tərk edib – 1:0.

Rail meydana yenə start heyətdə çıxıb və 90 dəqiqə əvəzlənmədən mübarizə aparıb. Oyunun 62-ci dəqiqəsində isə müdafiəçimiz sarı vərəqə ilə cəzalandırılıb.

Qeyd edək ki, “Dənizlispor” bu məğlubiyyətdən sonra 1 pillə aşağı yuvarlanıb. Aktivində 21 xal olan Məlikovun komandası 12-ci yerdə qərarlaşıb.


Türkiyə PTT Birinci Liqası

17-cı tur

22 dekabr

“Bucaspor” – “Dənizlispor” 1:0
Zafer Çevik, 51

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir