“Klubumuzun rəhbərliyi və komandanın adından hamının bayramını təbrik edirəm. Apasport.az saytının məlumatına görə, bu sözləri “Neftçi”nin məşqçisi Tərlan Əhmədov deyib. Gənc çalışdırıcı Topaz Premyer Liqasının VII turdan təxirə salınan “İnter” - “Neftçi” (1:1) oyundan sonra mətbuat konfransı keçirib.

KİV nümayəndələrinin suallarını cavablandıran Əhmədov komandasının meydanda əzmkarlıq nümayiş etdiyini vurğulayıb:

“Premyer Liqanın ən baxımlı oyununu izlədik. Komandamızda bir sıra çatışmazlıqlar var. Mitrevski və Elvinin bugünkü oyunda olmaması öz təsirini göstərdi. Ona görə də heyətdə yerdəyişmə etdik. Həm də AZAL-la oyunda təbii ot örtüyündə oynadığımız üçün, bu gün süni meydançada oynamaq çətin idi. İlk hissədə daha yaxşı oynadıq. İkinci hissənin ilk 25 dəqiqəsində yaxşı oynasaq da, sona yaxın zəif çıxış etdik. Amma futbolçular meydanda əzmkarlıq göstərdilər. Qismət belə imiş. Bu heç-heçəyə görə özümüzdən başqa heç kəsi günahlandırmaq olmaz. Bu il futbolçularımızın etdiklərinə görə qarşılarında baş əyirik, təşəkkür edirik. Biz hücum futbolu oynasaq da, bu gün daha çox müdafiədə oynadıq”.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir