II Bundesliqa təmsilçisi “Aalen”in “İnter”lə Antalyada keçirəcəyi yoxlama oyununun dəqiq vaxtına aydınlıq gəlib. Apasport.az saytının məlumatına görə, hazırda çempionatda 5-ci sırada olan “Aalen” yanvarın 10-dan 18-dək Bələkdə 1 həftəlik hazırlıq keçəcək.

Bu müddətdə “Aalen” Hollandiyanın AZ, Almaniyanın “Karlsrue” klubları ilə yanaşı, Bakı “İnter”i ilə də yoxlama oyunu keçirəcək. Almanların təmsilçimizlə görüşü isə yanvarın 17-nə planlaşdırılıb. Qarşılaşma saat 15:00-da başlayacaq.

Qeyd edək ki, “İnter” yanvarın 11-dən fevralın 4-dək Antalyada olacaq. “Bankirlər” bu komanda ilə yoxlama oyunu keçirəcəklərini təsdiqləməsə də, “Aalen”in rəsmi saytı bu matçı komandanın hazırlıq planına daxil edib.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər