Çempionlar Liqasının 1/8 final mərhələsində “Qalatasaray”la qarşılaşacaq “Şalke” heyətini “Mayns”da çıxış edən müdafiəçi ilə gücləndirməyi planlaşdırır. Apasport.az saytının məlumatına görə, gelzenkirxenlilər Yan Kirkhoffla 2016-cı ilə qədər müqavilə bağlamağa yaxındılar.

Belə ki, dizindən ciddi zədələnən Kiryakos Papadopoulosa layiqli əvəzləyici kimi transfer etməyə hazırlaşan “Şalke” 22 yaşlı futbolçunu yanvar ayında heyətinə qatacaq. Kirkhoffun özü ilə məsələni həll edən “Cim-Bom”un rəqibi, “Mayns”dan xəbər gözləyir. Çünki gənc oyunçunun hazırkı komandası ilə mövsümün sonuna qədər müqaviləsi var.

Qeyd edək ki, Yan Kirkhoff bu il Almaniya U-21 milli komandasına çağırılıb. O, 17 matçda forma geyinib və 3 qola imza atıb.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər