“Bakı” klubunun hücumçusu Mindauqas Kalonas Litvada ilin ən yaxşı futbolçusu sayılıb. Lent.az-ın məlumatına görə, Litva Futbol Federasiyasının (LFF) azarkeşlər, jurnalistlər, məşqçilər, federasiya nümayəndələri arasında keçirilmiş sorğuda 29 yaşlı forvard Türkiyə “Qaziantepspor”unun qapıçısı Jidrunas Karçemarskasın 2 illik hegemonluğuna son qoyub.

Üst-üstə 1912 bal yığan Kalonas ən yaxın izləyicisi, İngiltərə “Lids”inin mərkəz müdafiəçisi Marius Jalyukası 403 bal geridə qoyub. Karçemarskas isə bu dəfə 1184 xalla 3-cü olub.

Qeyd edək ki, Mindauqas Kalonas Azərbaycanda bu ilin yanvarından çıxış etməyə başlayıb. O, əvvəlcə “Rəvan”la müqavilə bağlayıb və Topaz Premyer Liqasında 13 oyuna 8 qol vurub. 2013-2014-cü il mövsümündən isə o, “Bakı”nın şərəfini qoruyur. Hazırda Kalonas 13 oyundan 5 qolla bombardirlər siyahısında 2 – 7-ci yerləri bölüşür.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı