Estoniya milli komandasının baş məşqçisi Tarmo Ruutlinin taleyinə aydınlıq gəlib. Apasport.az saytının məlumatına görə, noyabrın 15-də Azərbaycan yığması üzərində 2:1 hesablı qələbə qazanan Baltikyanı ölkə təmsilçisi çalışdırıcısını postunda saxlayacaq.

Bunu Estoniya Futbol Assosiasiyasının prezidenti Ayvar Pohlak açıqlayıb: “Neçə vaxtdır ki, axtarışlardayıq. Ruutliyə alternativ variantları götür-qoy edirik. Onun özü isə Azərbaycanla oyunu əsas gətirərək danışıqlara başlamağa tələsməməyi deyirdi. Artıq qərara gəlmişik ki, noyabrın 21-də baş məşqçimizlə masa arxasında oturub yeni müqaviləni müzakirə edək. Çünki futbol mövsümünün başa çatdığı noyabrın 24-ü tarixinə kimi bu məsələni həll etməliyik”.

Qeyd edək ki. Ruutli 2008-ci ildən Estoniya yığmasını çalışdırır.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı