"İnter" "Şəfa" stadionunda yoldaşlıq matçı keçirib. Apasport.az klubun rəsmi saytına istinadən xəbər verir ki, “bankirlər” noyabrın 16-da çempionatın autsayderi “Sumqayıt”la gücünü sınayıb.

Bu qarşılaşmaya komandalar aşağıdakı heyətlərlə meydana çıxıb:
İnter: Georgi Lomaya, Matiya Şpiçiç, Brüs Abdulay, Elhad Nəziri, Arif Daşdəmirov, Derlis Meza Kolli, Abdulla Abatsiyev, Slavço Georgiyevski, Asif Məmmədov, Aleksandr İaşvili, Sezar Meza Kolli.

Sumqayıt: Elçin Sadıqov, Sərxan Abaslı, İsa Zeynallı, Nodar Məmmədov, Məhəmməd Mirzəbəyov, Sabir Allahquliyev, Aqşin Muxtaroğlu, Orxan Əliyev, Zaur Həşimov, Mirzağa Hüseynpur, Vüqar Əsgərov.

İkinci hissənin gedişində meydana “İnter”dən Joan Paulo, Abbas Hüseynov, Samir Zərgərov, Mikel Alvaro, Fuad Bayramov, Coşqun Diniyev və Ramil Mansurov, “Sumqayıt”dan isə Tərlan Əhmədovla Fərid Kərimzadə çıxıb.

Qarşılaşma meydan sahiblərinin 8:3 hesablı qələbəsilə başa çatıb. "İnter"in heyətində Asif Məmmədov və Mikel Alvaro hərəyə iki dəfə fərqlənib. Paytaxt təmsilçisinin digər qollarını isə Abdulla Abatsiyev, Aleksandr İaşvili, Sezar Meza Kolli və Samir Zərgərov vurub. “Sumqayıt”dan isə Sabir Allahquliyev, Orxan Əliyev və Mirzağa Hüseynpur qol müəllifləri olub.

Qeyd edək ki, “İnter” bu tur öz meydanında “Neftçi”ni, “Sumqayıt” isə “Simurq”u qəbul edəcək.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı