“Mən Ukrayna, Rusiya, Türkiyə və hətta Azərbaycandan çalışmaq təklifi almışdım”. Apasport.az Ukraynanın fanat.ua saytına istinadən xəbər verir ki, bunu Əlcəzair yığma komandasının bosniyalı baş məşqçisi Vahid Halilhociç deyib.

61 yaşlı çalışdırıcı Əlcəzair millisini uzun fasilədən sonra dünya çempionatına çıxarıb. “Trabzonspor”un sabiq çalışdırıcısı olan Halilhociç AFFA-dan milli komandanı çalışdırmaqla bağlı təklif aldığını qeyd edib. Onun sözlərinə görə, ölkəmizdən gələn təklif çox cəlbedici olsa da, qəbul etməyib: “Fikrimcə, sonuncu təklif çox heyrətamiz idi. Ancaq məsələnin maliyyə tərəfi mənim üçün o qədər də vacib deyildi. Hazırkı durumda məsələnin idman tərəfi mənim üçün daha çox önəmlidir. Mən titullar qazanmaq istəyirəm”.

Qeyd edək ki, AFFA hazırda müqaviləsi başa çatan Berti Foqtsun yerinə namizəd axtarışındadır.

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək