Türkiyə millisinin və “Beşiktaş”ın sabiq futbolçusu Nihat Kahveci “Qalatasaray”ın “Real”a 1:4 hesablı məğlubiyyətindən danışıb. Apasport.az saytının məlumatına görə, keçmiş yarımmüdafiəçi “sarı-qırmızılılar”ın baş məşqçisi Roberto Mançinini tənqid atəşinə tutub:

“Mançini baş məşqçidirsə, mən də Mourinyoyam. Gör, “Qalatasaray”ı nə günə saldı. Fatih Terim bir dənədir. Mənə deməyin ki, komandanı Mançini qurdu. O, bu komandaya nə verdi? Artıq əcnəbi baş məşqçi sevgisindən imtina etməliyik. Terimin vaxtında 6:1 hesabı ilə uduzduq, amma bu dəfə Ronaldosuz və 10 nəfərlə oynayan “Real” qarşısında heç nə edə bilmədik. Yenə də qrupdan çıxmaq şansı olan “Qalatasaray”a “Yuventus”la oyunda uğurlar arzulayıram”.

Qeyd edək ki, ötən mövsüm futbolçu karyerasını başa vuran Kahveci hazırda İspaniya təmsilçisi “Vilyarreal”ın aşağı yaş qrupları üzrə komandasında məşqçi işləyir.

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək